Gobierno de España. Ministerio de Hacienda y Administraciones Públicas. Abre nueva ventana

Secretaría de Estado de Presupuestos y Gastos

Zer da eta zertarako balio du?

Aurrekontu Sistema Berriko modulu bat da Quanto eta azpisektore administratiboaren aurrekontu mugatzailea egiten du (Egituren zentrala, Aurrekontuen esparruak, Kredituak eta zuzkidurak, Zuzenketa parlamentarioak).

EAOetako azpisektore administratiboaren Egituren zentrala (adierazitako azpisektorearen taula komunak: sailkapen organikoak, ekonomikoak, programenak, eskualdeenak, probintzienak...).
Aurrekontuetarako Zuzendaritza Nagusiak eta Aurrekontuetarako Bulegoek erabiltzen dute Aurrekontuen esparruak tresna, Aurrekontuen egonkortasunerako Lege Orokorrean arautzen diren esparru horietan. Tresna horren bidez, zenbait urterako programazioa egin daiteke, bai proiekzioena, bai gastuen eta sarreren esparruetako konpromisoena (lehendik daudenak nahiz berriak).
Kredituak eta zuzkidurak: estatuko azpisektore publiko administratiboaren (EAOetakoa) gastu eta sarreren partidak egiten dira. Aurrekontuetarako Zuzendaritza Nagusiak eta Aurrekontuetarako Bulegoek egiten dituzte partida horiek, bakoitzak bere lan-eremu independentean. Lan-eremu horien arteko informazio eta prozesuak desberdintzeko mekanismo eta prozesuak ezartzen dira aplikazioan.
Sektorearteko jarduera-planei eta erakunde eta agenteei kredituak esleitzeko aukera ematen du. Bestalde, ministerioek beren kredituei egin nahi dizkieten pertsonalizazioak egiteko aukera ere ematen du, eta onartutako EAOak kontabilitate-sistemara eta aurrekontuen aldaketak izapidetzeko sistemara igarotzekoa ere bai.

Karga eta deskargei buruzko informazioa partekatzeko estandarrak definitu dira aplikazioan; hari buruzko informazioa Aurrekontu Administrazioaren Atarian azaltzen da, "Aurrekontu-baliabideak" atalean
Zuzenketa parlamentarioak, talde parlamentarioek EAOen Lege Proiektuari egin dizkieten zuzenketen berri eman dezan Aurrekontuetarako Zuzendaritza Nagusiak. Zuzenketa horiek izapidetze-prozesuaren edozein fasetan eginak izan daitezke, Diputatuen Kongresuan edo Senatuan; fase horietarako liburu ofizialak ateratzeko ere erabiliko da.