Norentzat da?

Fondos 2007 sistema informatikoa (3. helburua) Europako lurralde-lankidetzako bederatzi programa operatiboren (LLOP) tratamendurako erabiltzea aurreikusten da. Europako Batasuneko Funtsen Zuzendaritza Nagusia horren arduradun funtzionala izateaz gain, era desberdinean jardun dezake LLOP bakoitzean.

Espainia – Portugal lurralde-lankidetza programa operatiboan, Kudeaketako Agintaritza (KA) da Europako Batasuneko Funtsen Zuzendaritza Nagusia.
Madeira – Azoreak – Kanariak lurralde-lankidetza programa operatiboan, Kanarietako Autonomia Erkidegoa KA den arren, Europako Batasuneko Funtsen Zuzendaritza Nagusiak Fondos 2007 erabiltzeko aukera ematen du hango eginkizunak egiteko.
Espainia – Frantzia – Andorrako eta Hego Mendebaldeko Esparruko lurralde-lankidetzako programetan, Ziurtapen Agintaritza (ZA) da Europako Batasuneko Funtsen Zuzendaritza Nagusia.
Espainia Kanpo Mugak (Espainia-Maroko zena) lurralde-lankidetza programan, KA zein ZA da Europako Batasuneko Funtsen Zuzendaritza Nagusia.
Lurralde-lankidetzako beste lau programa operatiboetan, Korrespontsal Nazionala (KN) da Europako Batasuneko Funtsen Zuzendaritza Nagusia, Espainiako kideei dagokienez.

Europako Batasuneko Funtsen Zuzendaritza Nagusiko unitateez gain, lurralde-lankidetzako programa operatiboen kudeaketan parte hartzen duten erakunde guztiak daude sartuta sistema honetan. Besteak beste, hauek:

Europako Batasuneko Funtsen Zuzendaritza Nagusiak KA gisa jarduten duen lurralde-lankidetzako programa operatiboetako eragiketen bitarteko taldeburuak, kideak eta erakundeak.
Lurralde-lankidetzako programa operatiboetako Baterako Idazkaritza Teknikoak.
Gastu-baliozkotzeen gainean ikuskaritza egiteko baimendutako enpresa pribatuak eta erakunde publikoak.
Beste administrazio batzuk (autonomia-erkidegoak, kontseilaritzak, udalak, korporazioak eta abar).
Estatuko Administrazioaren Kontu-hartzailetza Nagusiak (ONA) eta eskualdeetako Kontu-hartzailetzek ikuskaritza-agintari gisa jarduten dute.
Europako Batzordea.