Fondos 2007

SARRERA.

Fondos 2007 sistema informatikoak 2007-2013 aldiko komunitate-funtsak kudeatzeko zerbitzu integrala eskaintzen du, hiru kontu nagusitan oinarrituta: Kudeaketa, Ziurtapena (Ordainketak) eta Auditoretza (Kontrola). Izan ere, Fondos 2000 sistemaren bertsio eguneratuta da.

Sistema berriak barne hartzen ditu lehendik zeuden prozedurak eta prozedura horietan egindako aldaketak, baina, horrez gain, berrikuntza dezente izango ditu, horietako asko administrazio elektronikoaren alorrekoak:

Europako Batasuneko informazio-sistemarekin (SFC 2007) informazioa partekatzea. Sistema horrek ezarritako web-zerbitzuen bidez egingo da.
Kudeaketan sartutako beste erakunde batzuen informazio-sistemekin informazioa partekatzea. Fondos 2007k eskainitako web-zerbitzuen bidez egingo da.
Finantza-kudeaketako prozedura. Sinadura elektronikoa gehituko du, behar denetan.
Altxorrari dagozkion kobrantzak eta ordainketak izapidetzea. Certexek eskainitako web-zerbitzuetara sartuz.

MODULUAK

Sistema lau moduluk osatzen dute; batetik, kudeaketako bi modulu espezifiko (Konbergentzia eta lehiakortasuna eta Europako lurralde-lankidetza) eta, bestetik, aurrekoei zerbitzua emateko beste bi (Administrazioa eta Informazio-kanala). Bi kudeaketa-modulu desberdin izatearen arrazoiak hauek dira:

Tartean funts desberdinak daude sartuta: Konbergentziari eta Lehiakortasunari dagokienez, Eskualde Garapeneko Europako Funtsa (EGEF), Kohesio Funtsa eta Europako Gizarte Funtsa (EGF); Europako lurralde-lankidetzari dagokionez, EGEF soilik.
Europako Batasuneko Funtsen Zuzendaritza Nagusiak eskuduntza desberdinak ditu haiei dagokienez. Konbergentzian eta lehiakortasunean, eta EGEFri eta Kohesio Funtsari dagokienez, Kudeaketa-agintaritza eta Ziurtapen-agintaritza Zentro horren organoak dira. Europako lurralde-lankidetzan kasuistika, aldiz, oso zabala da, eta kofinantzatutako programa zehatzaren mende dago. Batzuetan, Europako Batasuneko Funtsen Zuzendaritza Nagusia Kudeaketa-agintaria da soilik, beste batzuetan, Ordainketa-agintaria da soilik, eta beste batzuetan, ez da ez bata eta ez bestea, eta dauden Agintaritzen Korrespontsal nazional (gainbegirale) gisa jarduten du.
Informazio-egitura eta kudeaketa-prozedurak desberdinak dira: 1. eta 2. helburuak programetan oinarritzen dira, eta 3. helburua, berriz, proiektu espezifikoetan (alde horretatik, aurreko aldietako Kohesio Funtsen trataeratik gertu dagoela esan daiteke).
Desberdinak direlako Europako Batasuneko Funtsen Zuzendaritza Nagusiko partaide diren Unitateak, baita laguntzen onuradun diren organo betearazleak ere.